Управата за јавни приходи (УЈП) информира дека повратот на средства од мерката МојДДВ за скенираните сметки во третиот квартал продолжува и не е прекинат или откажан, како што можеби се појавија шпекулации во јавноста.
Управата за јавни приходи (УЈП) информира дека повратот на средства од мерката МојДДВ за скенираните сметки во третиот квартал продолжува и не е прекинат или откажан, како што можеби се појавија шпекулации во јавноста.
Имено, доколку во една пратка постои дури и само еден корисник кој извршил промена на банка или трансакциска сметка, целиот налог системски се враќа и средствата не се исплаќаат кон ниту еден корисник кој е дел од истата пратка.
Овој предизвик е веќе идентификуван, а надлежните служби интензивно работат на негово надминување со цел да се обезбеди точна и правична исплата за сите граѓани.
Исплатата за корисниците со валидни и потврдени податоци е во тек, додека за оние кои се соочуваат со техничкиот застој, средствата ќе бидат реализирани веднаш по завршување на целокупната преработка.
УЈП упатува апел до граѓаните: доколку вршат промена на банка или трансакциска сметка, потребно е веднаш да направат ажурирање на податоците во системот. Со тоа, ќе се избегнат вакви ситуации во иднина и ќе се овозможи навремена исплата за сите корисници на мерката.
