Македонски Телеком АД - Скопје на својата годишна седница, одржана на 30 мај 2025 година, донесе одлука за исплата на дивиденда за 2024 година. Вкупниот бруто износ на дивидендата е 2.382.421.058,00 денари, што претставува 27,62 денари по акција.
Право на дивиденда имаат сите акционери кои се евидентирани во книгата на акционери заклучно со 11 јули 2025 година. Последниот ден за тргување со право на дивиденда е 9 јули 2025 година, додека првиот ден на тргување без право на дивиденда е 10 јули 2025 година.
Исплатата на дивидендата ќе започне на 25 септември 2025 година.
За физички лица, резиденти на Република Македонија, исплатата ќе се врши на трансакциските сметки кои биле користени за исплата на дивидендата во претходната година. Новите акционери, како и оние кои сакаат да ја променат сметката, треба да достават податоци за активна трансакциска сметка и копија од лична карта најдоцна до 10 септември 2025 година.
Правните и физичките лица, странски резиденти, се повикуваат да достават податоци за банкарската сметка на која ќе се изврши исплатата најдоцна до 10 септември 2025 година. Странските правни лица треба да достават и "Потврда за резидентен статус" заверена од надлежниот даночен орган, најдоцна еден ден пред исплатата. Странските физички лица треба да достават Единствен даночен број (ЕДБ) за нивна даночна регистрација во Северна Македонија, најдоцна до 10 септември 2025 година.
