Министерството за финансии денеска објави дека е извршена исплата на нова транша во износ од 785 милиони денари (околу 12,7 милиони евра) кон Развојната банка, наменета за директна поддршка на инвестицискиот циклус во домашните компании.
Со префрлањето на оваа транша, вкупниот износ што државата го има инјектирано во приватниот сектор за поттикнување инвестиции надмина 200 милиони евра.
Претходно, преку шесте исплатени транши се пласирани 190,5 милиони евра. Овие средства се дел од поголем инвестициски пакет во вкупен износ од околу 300 милиони евра, чиј износ за 2025 година беше проектиран на ниво од 250 милиони евра.
Средствата се обезбедени по поволни услови од Унгарската експорт-импорт банка и по поволни услови се пласираат кон крајните корисници, односно домашните компании.
Каматната стапка за овие заеми изнесува 1,95% на годишно ниво, со рок на отплата до 15 години и грејс-период до 3 години.
