Министерката за финансии, Гордана Димитриеска-Кочоска, денес објави дека Буџетот на Република Македонија постигнал историски високи приходи во месец јули. Според нејзината објава, Царинската управа и Управата за јавни приходи забележале највисока месечна наплата досега.

Во јули споредено со истиот месец лани:

- Приходите од даноци и придонеси бележат раст 7,4%.

- Приходите од акцизи бележат раст од 5,7%.

- Приходите од увозни давачки бележат раст од 19,2%.

Министерката Димитриеска-Кочоска истакна дека овие резултати се први видливи знаци на фокусот на Владата кон финансиската стабилност и одржливиот економски раст, уште во првата година од нивниот мандат.