Министерот за земјоделство, шумарство и водостопанство, Цветан Трипуновски, од Кавадарци најави рекордна берба на винско грозје. Според неговите изјави дадени на манифестацијата „Тиквешки гроздобер“, се очекуваат над 100 милиони килограми винско грозје, што е за 25 милиони повеќе во однос на ланската берба.

До 4 септември, веќе се откупени околу 30 милиони килограми, од кои 11 милиони килограми црвено винско грозје, а остатокот е бело. Министерот истакна дека оваа година има значителен прогрес во лозарството, што е резултат на посветеноста на Министерството на системите за наводнување.

Трипуновски додаде дека Владата и инспекциските служби ќе го следат откупот за да се спречат какви било законски отстапувања. На крајот, тој потенцираше дека Македонија е лидер во производство на квалитетно вино во светот.