Државниот завод за статистика објави дека во јули 2025 година, Република Македонија забележа значителен раст во туристичката активност. Бројот на туристите достигнал 209.932, додека вкупниот број на ноќевањата изнесува 770.733.
Во однос на структурата на туристите, во јули 2025 година, странските туристи сочинуваат поголем удел од 57.9%, додека домашни туристи се 42.1%.
Ситуацијата е поинаква кога се во прашање ноќевањата. Домашните туристи учествуваат со 69.2% од вкупниот број ноќевања, што укажува на нивна поголема ангажираност во туристичките центри. Странските туристи оствариле 30.8% од ноќевањата.
Анализата за периодот јануари – јули 2025 година во споредба со истиот период од претходната година, покажува позитивни трендови. Вкупниот број на туристи е зголемен за 10.2%. Посебно охрабрува фактот дека бројот на странските туристи забележа раст од 15.1%, иако има мало намалување од 0.1% кај домашните туристи.
Слично на тоа, вкупниот број на ноќевањата во периодот јануари-јули 2025 година е зголемен за 5.5%. Ова зголемување главно се должи на странските туристи кои оствариле 11.5% повеќе ноќевања, додека кај домашни туристи има незначително намалување од 0.5%.
