Министерството за внатрешни работи (МВР) денеска информираше за засилената активност во борбата против недозволената трговија со дрога во текот на месец септември.
Според објавените податоци, во септември се поднесени кривични пријави против вкупно 93 лица за сторени кривични дела поврзани со недозволена трговија со наркотични дроги и психотропни супстанции.
Како резултат на преземените мерки и активности, полицијата во текот на минатиот месец запленила значителна количина на наркотици, вклучувајќи над 38 килограми марихуана и други наркотични супстанци.
Од МВР истакнуваат дека борбата против криминалот и недозволената трговија со дрога останува врвен приоритет и најавуваат продолжување на засилените контроли и акции низ целата држава.
