Македонската берза објави информација за намера за преземање на компанијата Раде Кончар – Апаратна техника АД Скопје. Подносител на намерата е Раде Кончар-ТЕП ДООЕЛ, претставуван од управителот Горан Антевски.

„Согласно член 22 став 1 од Законот за преземање на акционерските друштва, ги известуваме сите акционери на Раде Кончар-Апаратна техника АД Скопје дека имаме намера да објавиме Понуда за преземање на целното друштво Раде Кончар-Апаратна техника АД Скопје по цена од 2.435 денари по акција.“ - пишува во објавата.

Раде Кончар-ТЕП е компанија која нуди комплетни решенија од областа на генерирањето и дистрибуцијата на електричната енергија, како и специјализирани решенија за индивидуалните барања на клиентите.