Општина Бутел денеска започна постапка за отстранување на нелегална градба во Визбегово. Градоначалникот на општина Бутел, Дарко Костовски, информираше дека градилиштето е веќе затворено од страна на градежен инспектор, а во наредниот период ќе следи негово отстранување.
„Денеска започнавме постапка за отстранување на дива градба во Визбегово, моментално од страна на градежната инспекција објектот е затворен. Покрај постапката за отсранување на овој објект ќе следи и соодветна пријава за дивоградба и узурпација на државно земјиште.“ објави градоначалникот Костовски.
Костовски беше дециден во пораката дека никој не смее да биде над законите. Овој потег е дел од заложбите на општинската администрација за справување со нелегалните градби на територијата на општина Бутел.
