На 19 септември 2025 година, Единицата за насилен криминал при СВР Скопје поднесе кривична пријава за кривичното дело „изнуда“ согласно член 258 од Кривичниот закон. Кривичната пријава следува по инцидент кој се случил на 18 септември 2025 година во Скопје, кога тројца осомничени лица изнудувале пари од скопјанец.
Во текот на примопредавањето на претходно технички обработени парични средства од страна на оштетениот, полицијата ги лишила од слобода Р.С., С.Д. и Б.Ј. кои подолг период вршеле изнуда на парични средства од оштетениот.
По завршувањето на истрагата и комплетирањето на доказниот материјал, во координација со Основното јавно обвинителство Скопје, лицата биле изнесени пред судија за претходна постапка. Судот му определи притвор на Р.С. во траење од 30 дена, додека на С.Д. и Б.Ј. им се одредени мерки за претпазливост.
