Стокомак, еден од најголемите дисконт ланци на маркети во Македонија, продолжува со своето проширување на српскиот пазар. Денес свечено беше отворен нивниот четврти маркет во Србија, лоциран во Панчево, на адреса: Ул. Новосељански Пут, влез бр.39Д.
Од Стокомак изразија голема благодарност до граѓаните на Панчево за големиот интерес и бројната посета уште на првиот ден, што го сметаат за најголема потврда за нивниот труд и успех. Посебна благодарност упатија и до своите вработени, чија посветеност и напорна работа придонесоа за успешната реализација на овој проект.
Седиштето на компанијата за Србија се наоѓа во Ниш. Досега се отворени маркети во четири града: Пирот, Ниш, Лесковац и Панчево. Во првата фаза на проширување планираат да отворат маркет и во Параќин.
Концептот на Стокомак се заснова на продажба на основни прехранбени и непрехранбени производи по ниски цени со свои сопствени брендови.
