Заменик-претседателот на Владата, Александар Николоски, оствари работна средба со членови на Европскиот парламент во рамки на 25-тиот состанок на Мешовитиот парламентарен комитет Македонија-Европска Унија. Фокусот на разговорите беше ставен врз европската интеграција на земјата, реформскиот процес и претстојните чекори на патот кон полноправно членство во Унијата.
За време на средбата се дискутираше за напредокот во исполнувањето на преземените обврски, при што Николоски ги информираше европратениците за конкретните Владини активности насочени кон зајакнување на институциите и забрзување на пристапниот процес.
На состанокот беше подвлечено значењето на одржувањето постојан дијалог со институциите на Европската Унија како клучни партнери во процесот на европското приближување.
Заеднички беше нотирано дека зачувувањето на европската перспектива останува примарен стратешки приоритет за државата. Отворената размена на ставови за актуелните предизвици бележи важен чекор во дефинирањето на идните реформски приоритети во клучните општествени области.