Повеќе од 100 вработени од претставништвата на „Алкалоид“ во Украина и Романија учествуваа на заедничкиот Cycle Meeting кој се одржа во Македонија. Настанот беше посветен на размена на знаења, споделување добри практики и дефинирање на плановите за натамошно проширување и зајакнување на позициите на фармацевтскиот гигант на овие пазари.
Пред присутните свое обраќање имаше Генералниот директор и Претседател на Управниот одбор, Живко Мукаетов, кој ги презентираше визијата, стратешките приоритети и главните насоки за иден развој.
Тимовите од Украина и Романија играат клучна улога во развојниот циклус на кластерот Источна Европа. Во рамките на работната посета, тимот од Украина имаше можност одблиску да ги разгледа производствените капацитети на компанијата и да се запознае со високите стандарди за квалитет кои се применуваат во сите процеси.
Од компанијата истакнуваат дека директната комуникација, градењето синергија и градењето цврсти врски меѓу тимовите од различни пазари претставуваат основен столб за остварување на зацртаните цели.