Денеска беше свечено пуштен во употреба нов модерен затворен базен кој се наоѓа во состав на основното училиште „Невена Георгиева-Дуња“ во општина Кисела Вода. На настанот присуствуваа премиерот Христијан Мицкоски, министерот за спорт Борко Ристовски и градоначалникот на општина Кисела Вода, Орце Ѓорѓиевски.
Овој нов објект претставува значајна придобивка за заедницата, овозможувајќи услови за пливање и рекреација во текот на целата година. Базенот е со должина од 30 метри и ширина од 20 метри, зафаќајќи габаритна површина од 600 квадратни метри. Длабочината на базенот варира од 80 сантиметри до 1 метар и 20 сантиметри. Објектот е комплетиран со модерни машки и женски санитарии и гардеробери.
Отворањето на овој базен е дел од поширок проект за развој на спортската инфраструктура во земјата. Во таа насока, беше најавено дека до крајот на летото ќе бидат пуштени во употреба уште четири нови базени кои се наоѓаат во општините Ѓорче Петров, Кичево, Битола и Штип.
