Премиерот Мицкоски денеска објави дека Владата донела одлука за значително зголемување на државните резерви на пченица и ориз. Целта е да се зајакне националната безбедност на храна, особено имајќи ја предвид реколтата од 2024 година.

Одлучено е да се набават 9.000 тони пченица и 2.400 тони ориз и оризова арпа. Земјоделците ќе можат да конкурираат со количини од 5 до 30 тони за пченица, додека за ориз и оризова арпа квотата е од 3 до 20 тони по производител.

Како дел од оваа стратегија, за првпат е донесена законска измена со која оризот е прогласен за стратешка култура. Овој потег се очекува значително да ги олесни предизвиците со кои се соочуваат оризопроизводителите и да придонесе за поголема стабилност во овој сектор.