Премиерот Христијан Мицкоски денеска најави дека наскоро ќе започне јавната набавка за изградба на експресниот пат Романовце-Страцин, кој е дел од патниот Коридор 8. Оваа делница е продолжение на веќе изградениот експресен пат од Страцин до Крива Паланка, со што значително ќе го забрза патувањето кон Бугарија и ќе ја подобри поврзаноста со североисточниот дел на Македонија.
Во изјава за медиумите, премиерот Мицкоски истакна дека експропријацијата на земјиштето за овој патен правец е веќе целосно завршена, а во тек е и ревизија на проектот.
Премиерот очекува и тука да почне јавната набавка и тој проект да почне со реализација, за да може од Скопје до Крива Паланка да се стига за помалку од 45 минути.
