Извршниот одбор на Народната банка донесе одлука за измени и дополнувања на макропрудентните мерки за квалитетот на кредитната побарувачка од физичките лица. Со измените се намалува максималниот дозволен однос меѓу месечните отплати на кредитите и приходите (ДСТИ) и се скратува максималниот рок на отплата за одредени категории кредити, со цел превентивно ограничување на ризиците од прекумерно задолжување на домаќинствата.
Овие чекори се преземаат во услови на стабилен банкарски систем и континуиран раст на кредитирањето на физичките лица, кое во првото полугодие од 2026 година достигна годишен раст од 12,2%, при што најголем пораст од 16,6% е забележан кај станбените кредити. Одлуката е предвидено да започне да се применува од 1 декември 2026 година.
Со новите правила, максималната вредност на показателот ДСТИ се намалува за 5 процентни поени, односно од 50% на 45% за кредитите во денари и од 45% на 40% за кредитите со валутна компонента. Дополнително, максималниот рок за отплата на станбените кредити се скратува од 30 на 25 години, додека за хипотекарните потрошувачки кредити рокот се намалува од 20 на 15 години.
Регулативата задржува поповолен третман за граѓаните кои првпат купуваат сопствено живеалиште. За оваа категорија кредитокорисници, лимитите за ДСТИ остануваат непроменети на 50% за денарски и 45% за девизни кредити, а максималниот рок за отплата на станбениот кредит останува 30 години. Дирекцијата за големи даночни обврзници при Управата за јавни приходи одбележа 20 години од своето основање. На настанот се обрати министерката за финансии Гордана Димитриеска-Кочоска, која истакна дека оваа институција има значајна улога во даночниот систем, со оглед на тоа што компаниите што се под нејзина надлежност учествуваат со повеќе од 40 проценти во вкупните остварени даночни приходи во државата.
Специјализираниот пристап овозможува непосреден контакт со најголемите носители на економската активност, поддржувајќи ги нивните инвестиции и креирањето додадена вредност. Министерката нагласи дека стабилниот и предвидлив даночен систем претставува основен предуслов за долгорочно бизнис-планирање, одлуки за нови вработувања и одржлив економски раст.
Во однос на идните чекори и модернизацијата на Управата за јавни приходи, како клучен сегмент беше посочен проектот „Е-фактура“, кој треба да ги забрза процесите, да го намали административниот товар и да ја зголеми ефикасноста во работењето. Исто така, беа истакнати обезбедените поволни средства од унгарската Експорт-импорт банка, кои поттикнаа инвестициски циклус во македонската економија вреден близу 300 милиони евра.
На план на регулативата, Министерство за финансии работи на усогласување со европските стандарди преку усвојувањето на Законот за минимален глобален данок на добивка, како и преку измените на Законот за даночна постапка со кои се воведува жалбена постапка против управните акти. Министерката упати јасна порака до деловната заедница дека модернизацијата нема да донесе зголемување на даночните давачки и дека Владата останува на концептот на рамен данок. Во август, во споредба со истиот месец од претходната година, е забележан раст на прометот во трговијата на мало во сите основни сектори, покажуваат најновите податоци на Државниот завод за статистика. Најголемо зголемување е регистрирано кај трговијата на мало со автомобилски горива.
Во оваа група, прометот бележи исклучителен номинален раст од дури 29%, додека реалниот раст изнесува 8,4%.
Позитивни трендови се евидентирани и во останатите категории на малопродажбата. Во групата трговија на мало со храна, пијалаци и тутун е остварен номинален раст од 5%, односно реален раст од 1%.
Кај непрехранбените продукти, со исклучок на горивата, иако е забележано номинално намалување од 3,1%, реалниот промет бележи зголемување од 2,3%. Вкупно гледано, целата секторска група на трговија на мало, исклучувајќи ги горивата, оствари номинален раст од 1,3% и реален раст од 2,3%. ЗК Пелагонија АД Битола, преку официјално известување до Македонската берза за хартии од вредност, информираше за промена во сопственичката структура кај акционер со над 5% учество.
Според објавените податоци согласно Правилата за котација, Друштвото за производство, трговија и услуги Канди Инвест ДООЕЛ Скопје стекна нови 25 акции во битолскиот аграрен комбинат.
Пред оваа аквизиција, Канди Инвест поседуваше 14.233 акции, што претставуваше 7,02% од вкупниот број акции на друштвото.
Со купувањето на дополнителниот пакет, КАНДИ ИНВЕСТ Скопје сега поседува вкупно 14.258 акции, со што неговиот сопственички удел во ЗК Пелагонија се зголеми на 7,03%. Министерката за финансии Гордана Димитриеска-Кочоска учествуваше на работната сесија „Поттикнување на растот во новата економија“, што се одржа во рамки на Состаноците за влијанието врз одржливиот развој 2026 во организација на Светскиот економски форум во Њујорк. На форумот, кој собра високи претставници на влади, меѓународни институции и бизнис-секторот, фокусот беше ставен врз воспоставувањето рамнотежа меѓу економскиот раст, енергетската транзиција и одржливоста.
За време на дискусиите беше подвлечено дека зачувувањето на долгорочната конкурентност бара насочување на капиталните инвестиции кон проекти што гарантираат сигурно, пристапно и одржливо снабдување со енергија.
Министерката Димитриеска-Кочоска истакна дека современите економски политики мора да се фокусираат на долгорочен раст заснован на продуктивност, создавање нови работни места со висока додадена вредност и целосна енергетска стабилност.
„Економиите треба да се насочат на долгорочен раст, кој што ќе се заснова исклучиво на продуктивност. Понатаму, во рамки на дискусијата беше исто така заклучено дека на секоја економија ѝ е потребна што е поголема диверсификација по којашто ќе има и поголема додадена вредност. Исто така беше посочено дека треба да се креира што е можно повеќе високопродуктивни работни места и последно, но секако најзначајно, е тоа дека и понатаму треба да работиме на што е можна поголема енергетска независност, поголема одржливост и поголема стабилност во снабдувањето со енергенси“, истакна министерката Димитриеска-Кочоска.
За Македонија, учеството на овој глобален форум претставува можност за креирање политики што ќе ја зголемат конкурентноста на домашните компании, преку обезбедување стабилни услови за инвестиции и одржливо снабдување со енергија. 
