Регулаторната комисија за енергетика, донесе Одлука со која се врши намалување на малопродажните цени на нафтените деривати во просек за 0,62 % во однос на одлуката од 9.09.2025 година. Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,075%, кај дизелот за 0,414%, кај екстра лесното масло за 0,058% и кај мазутот намалувањето е за 1,145%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,3613%. Од 16.9.2025 година од 00:01 часот максималните цени на нафтените деривати ќе изнесуваат: - Моторен бензин ЕУРОСУПЕР БС - 95 – 75,50 денари за литар. - Моторен бензин ЕУРОСУПЕР БС - 98 – 77,50 денари за литар. - Дизел гориво ЕУРОДИЗЕЛ БС (Д-Е V) – 69,00 денари за литар. - Маслото за горење Екстра лесно 1 (ЕЛ-1) – 69,00 денари за литар. - Мазут М-1 НС – 36,740 денари за литар. Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) се намалуваат за 0,50 ден/лит. Малопродажната цена на Екстра лесното масло за домаќинство на (ЕЛ-1) не се менува. Малопродажната цена на Мазутот М-1 НС се намалува за 0,408 ден/кг и сега ќе изнесува 36,740 ден/кг. Од РКЕ истакнуваат дека намалувањето е резултат на пад на референтните цени на нафтените деривати на светскиот пазар, како и на понискиот курс на денарот во однос на американскиот долар. Претседателот на САД, Доналд Трамп, на својата платформа Truth Social објави дека поддржува странски компании да носат свои експерти во САД со цел да ги обучуваат американските работници. Според него, ова е неопходен чекор за да се привлечат големи инвестиции во земјата и да се обнови американското производство. Во својата објава, Трамп истакна дека кога странски компании инвестираат во САД за да произведуваат комплексни производи, треба да им се дозволи привремен престој на нивниот стручен кадар. Целта е тие да го пренесат своето знаење на американските работници, кои потоа ќе продолжат сами со производството. „Ако не го направиме ова, сите големи инвестиции никогаш нема да дојдат“, напиша Трамп. Тој како примери ги наведе чиповите, полупроводниците, компјутерите, бродовите и возовите, области каде според него, САД треба да учат од другите земји или да го обноват знаењето што го имале во минатото. Претседателот посебно се осврна на бродоградбата, наведувајќи дека во минатото САД граделе по еден брод дневно, а денес градат едвај еден годишно. Кинеското Министерство за трговија денеска објави дека започнува антидампинг истрага против Соединетите Американски Држави, поради мерките што Вашингтон ги воведе со чиповите. Оваа одлука доаѓа како одговор на серијата забрани и ограничувања кои, според Пекинг, го загрозуваат развојот на кинеската високотехнолошка индустрија. Портпаролот на Министерството изјави дека САД, со своите истраги и мерките за контрола на извозот, спроведуваат протекционистички практики кои имаат за цел да го потиснат развојот на Кина во области како што се напредните компјутерски чипови и вештачката интелигенција. „Овие практики не само што ги нарушуваат развојните интереси на Кина, туку и сериозно ја поткопуваат стабилноста на глобалниот синџир на снабдување и индустрискиот синџир на полупроводници“, изјави кинескиот портпарол. Истрагата ќе се спроведе во согласност со кинескиот Закон за надворешна трговија, со принципите на фер, непристрасност и отвореност. Министерството ги повика сите засегнати страни, вклучувајќи ги кинеските индустрии и претпријатија, активно да учествуваат. Кина нагласи дека ќе ги преземе сите неопходни мерки за да ги заштити легитимните права и интереси на своите компании, најавувајќи дека ќе следат соодветни мерки против САД врз основа на резултатите од истрагата. Претседателот на САД, Доналд Трамп, денеска испрати порака до сите членки на НАТО преку неговата социјална мрежа „TruthSocial“. Тој изјави дека е подготвен да воведе сериозни санкции кон Русија, но само под услов сите нации од Алијансата да се согласат на истото и целосно да престанат да купуваат руска нафта. Трамп го критикуваше НАТО поради, како што вели, „шокантното“ купување руска нафта од страна на некои членки. Според него, ова ја ослабува преговарачката позиција на Алијансата со Русија и ја продолжува војната. „Подготвен сум да тргнам кога и вие ќе бидете. Само кажете кога?“, напиша Трамп, додавајќи дека војната во Украина не би почнала доколку тој бил претседател во тоа време. Тој, исто така, предложи НАТО да воведе царини од 50% до 100% на Кина, што би се повлекле откако ќе заврши војната. Трамп верува дека овие мерки ќе помогнат во брзото ставање крај на „оваа смртоносна, но смешна војна“. Претседателот ја заврши својата порака со јасен ултиматум: доколку НАТО ги следи неговите предлози, војната брзо ќе заврши, а животите ќе бидат спасени. Во спротивно, тој смета дека сојузниците само го губат времето, енергијата и парите на Соединетите Држави. Комисијата за хартии од вредност на Република Македонија на 65-тата седница со која претседаваше Претседателката на КХВ М-р Бујаре Абази, донесе Решение со кое на “АЛТА БАНКА" АД Белград, Р. Србија и се издава дозвола за давање понуда за преземање на "Стопанска банка” АД Битола. Понудата за преземање се однесува на 371.538 обични акции со право на глас издадени од "Стопанска банка” АД Битола, кои заедно со 19.439 обични акции со право на глас кои ги поседуваат преземачот и лицата со кој тој дејствува заеднички претставуваат 100% од нејзината основна главнина. Преземањето на хартиите од вредност ќе се врши по цена од 3.777 денари по акција. Според преземачот, понудата ќе се смета за успешна доколку биде прифатена од акционери кои поседуваат најмалку 273.795 обични акции кои претставуваат 70,03% од вкупниот број обични акции со право на глас издадени од ”Стопанска банка“ АД Битола. При тоа, преземачот и лицата кои дејствуваат заеднички со него би поседувале 75% плус една акција од вкупниот број обични акции со право на глас издадени од “Стопанска банка" АД Битола. На седницата што се одржа на 10 септември, 2025 година, Комисијата донесе Решение со кое на "ТТК Банка” АД Скопје и даде одобрение да ја издаде третата емисија на долгорочни должнички хартии од вредност по пат на приватна понуда. Предмет на понудата се 1.000 корпоративни обврзници на кои продажната цена им е еднаква на номиналната и се нудат по цена од 1.000 евра за обврзница. Вкупната вредност на понудата изнесува 1.000.000 евра. Рокот на достасување на обврзниците ќе изнесува 6 години, при што главницата ќе се исплати наеднаш, заедно со последната исплата на каматата на крајот на рокот на доспевање. Каматната стапка на капиталниот инструмент ќе изнесува 5% фиксна за целиот период, чија пресметка ќе се врши еднаш годишно во денарска противвредност сметано од денот на настанатиот прилив на парични срества во Банката. Првата исплата на каматата ќе започне по истекот на 12 месеци од денот на настанатиот прилив на парични средства во банката. Kупувачи на корпоративните обврзници се 14 физички лица и едно правно лице, сите од Република Северна Македонија. Исто така, КХВ по завршена јавна расправа го усвои Правилникот за видовите на високоликвидните финансиски инструменти во кои овластен депозитар може да ги вложува своите средства. Компанијата Макпрогрес од Виница издаде официјално соопштение за јавноста, доставувајќи нови детали во врска со неодамнешниот пожар што ја зафати фабриката. Сите што беа повредени и хоспитализирани се пуштени дома и се чувствуваат добро. Еден од пожарникарите останува и вечерва хоспитализиран и неговата состојба е добра и се следи од здравствените служби и од тимот за грижа на Макпрогрес. Кон крајот на месец Септември, Макпрогрес ќе организира настан за благодарност и солидарност каде ќе им укаже признанија на сите херои инволвирани во интервенцијата за гасење на пожарот. Надлежните институции интензивно работат на проценки за причините и последиците од пожарот и повторно се апелира да се почекаат на официјалните известувања од надлежните органи. Кризниот штаб на компанијата ги прави сите неопходни активности за да од понеделник, 15.09.2025 година, сите останати фабричките капацитети освен опожарените да бидат пуштени во редовна работа. Како сопственици и менаџмент секогаш биле поткрепа и поддршка за вработените. Денес сите вработени на Макпрогрес се сплотија и обединија во една визија, мотивација и желба за реобнова и повторно издигање на фабриката и почнаа со работа на средување, чистење и дезинфекција на производните капацитети како би можеле од понеделник да започнат со редовно производство. Компанијата успеа да се реорганизира со производните можности и од следната недела сите производи ќе ги има во достапни количини освен категориите Наполитан вафли и вафел барови Премиер, Вафрета и Алми за кои сеуште се бараат можности како најбрзо би можеле да се вратат во производство и на пазарите. Од компанијата бескрајно се благодарни на целата јавност за повиците на социјалните мрежи за поддршка на Макпрогрес и иницијативите за поддршка на компанијата преку купување на производите од индивидуалци, инфлуенсери, истакнати личности, како и за огромната поддршка од Стопанската Комора, клиентите, соработниците, партнерите, целата бизнис заедница, како и владата и повеќето институции. Овој амбиент на поддршка е силно мотивирачки компанијата да опстои во намерите да ја подигне Винчини во уште помодерна и поуспешна домашна индустрија. Компанијата ќе изврши трајно намалување од 10% на цените на 114 производи од брендовите Роки Винчини, Сончева Долина, Натура и Фантазија, како и акциско намалување на 12 производи од Винчини во висина од 10% за време на месец септември. Во следниве денови ова намалување треба да биде видливо во малопродажната мрежа. За Макпрогрес периодот што следи е период на опстанок на работните места и овие намалувања на цените се допринос кон вработените и потрошувачите кои ја даваат неизмерната поддршка. Отпочнаа со преговори за набавка на машини и опрема од неколку светски реномирани производители и во наредниот период се очекува да потпишување договори за набавка на опрема со цел обнова на фабричките капацитети. За денес е планирано потпишување договор за кредитно задолжување со цел отпочнување на ре-обнова на производните капацитети. Во понатамошниот период ќе следи и дополнително задолжување за набавка на машини и опрема за фабриката. Во петок, во Стопанската комора ќе се одржи средба со водечките ланци на маркети и пошироката бизнис заедница како би се презентирал план за ре-обнова и ќе се дискутира за можностите за поддршка од страна на малопродажбата во насока на поттикнување на поголема продажба на производите на Макпрогрес, но и обратно, како Макпрогрес да се вклучи во зголемување на соработката со маркетите а со цел задржување на сите работните места и задржување на животниот стандард на вработените. Вчера, на 9 септември 2025 година, во Стопанската комора се одржа работна средба со француската компанија Буиг (Bouygues). Високите претставници на компанијата изразија интерес и подготвеност на Буиг да учествува во изградбата на големи инфраструктурни проекти во Македонија, како изградбата на железницата и клиничките центри. Компанијата Буиг со диверсифицирано портфолио во секторите градежништво, енергетика, телекомуникации и медиуми, со над 50 милијарди евра обрт и 200.000 вработени во над 80 држави во светот, со себе носи големо искуство, знаење и доверба. Затоа, Стопанската комора на оваа средба ја изрази својата поддршка и помош за компанијата за започнување на активностите во Македонија. Домаќин на средбата беше Деловниот клуб за соработка со Франција и франкофонските земји, каде во присуство на францускиот амбасадор, Н.Е. Кристоф Ле Риголер и регионалниот претставник, шеф на економската мисија за ЗБ со седиште во Белград, Пјер Гранжуан, беше разговарано и за неколку други иницијативи за соработка со француските компании. За октомври е најавен регионален бизнис форум Франција-Западен Балкан во Белград, на кој се поканети и македонските компании. На средбата, Стопанската комора и Амбасадата на Франција во РС Македонија разговараа за можностите за продлабочување на економската соработка, унапредување на трговската размена меѓу двете земји, како и за поттикнување на директни инвестиции. Претседателот на Комората, Бранко Азески, истакна дека постои значаен потенцијал за заеднички проекти, и дека француските компании може да ја сметаат Комората и Деловниот клуб за свој партнер во Македонија. Комората активно работи на создавање поволна деловна клима, олеснување на административните процедури и поврзување на француските компании со домашни партнери. 
