По пожарот кој целосно изгоре неколу погони на фабриката, компанијата Макпрогрес објави дека целиот тим е успешно вратен и целосно прилагоден на новата ситуација во фабриките Винчини, Сончева Долина, Фантазија, Натура, Дониа и Винчини Чоколадна Фабрика. „Навистина сме горди што ги преземаа сите предизвици како вистински шампиони,“ изјавија од Макпрогрес, додавајќи дека поддршката која ја добија од вработените и заедницата била од огромно значење. Компанијата истакна дека цела Македонија застанала зад Винчини, домашнен бренд кој е гордост не само на Виница, туку и на целата држава. Овој момент, според нив, ја дефинира иднината на брендовите на Макпрогрес и ќе биде поттик за понатамошен раст и развој. „Ова е феномен! Да се види како цела Македонија застана зад еден домашен бренд и мал град како Виница. Тоа од сега натака ќе го дефинира нашиот бренд и нашата приказна“, се наведува во објавата. На 18.09.2025 година, во 22:50 часот, полициски службеници од полициската станица за граничен надзор, при изведување на контрола на магистралниот пат Струга-ГП Ќафасан, кај село Франгово, го лишија од слобода Џ.Б. (40) од Скопје. Скопјанецот се сомничи дека со своето возило „Ауди“ со скопски регистарски ознаки извршувал криумчарење на мигранти. Во близина на возилото, полицијата забележала четири женски лица кои се обиделе да избегаат, но веднаш биле фатени. При контрола било утврдено дека станува збор за државјанки на Непал, три на возраст од 22 години и една на 34 години. Мигрантите, како и возачот, се предадени во Основното јавно обвинителство Струга за понатамошна постапка. По целосното документирање на настанот, ќе бидат поднесени соодветни пријави. Секторот за внатрешни работи Куманово во соработка со Одделот за внатрешна контрола, криминалистички истраги и професионални стандарди при МВР, до Основното јавно обвинителство Куманово, поднесе кривична пријава против М.П.(43) од Куманово, вработена во МВР - Одделение за управни работи Куманово поради постоење основи на сомнение за сторено кривично дело „злоупотреба на службена положба и овластување“ по член 353, против Ф.Т. (29) од Куманово, вработен како контролор во станица за технички прегледи во Куманово, поради постоење основи на сомнение за сторени кривични дела „фалсификување исправа“ по член 378 и „употреба на исправа со невистината содржина“ по член 380, против Б.П.(35) од Куманово поради постоење основи на сомнение за сторено кривично дело „прикривање на стоки кои се предмет на криумчарење и царинска измама“ по член 278-б, против Д.З.(34) од Куманово поради постоење основи на сомнение за „давање лажен исказ“ по чл.367 и „прикривање на стоки кои се предмет на криумчарење и царинска измама “ член 278-б и против К.П.(39), М.П.(37) , Д.М. (36), Д.С.(35), С.С.(40), М.М.(37) и М.М.(24), сите од Куманово поради постоење основи на сомнение за сторено кривично дело „прикривање на стоки кои се предмет на криумчарење и царинска измама“ по член 278-б од Кривичниот законик. М.П. и Ф.Т. во текот на 2024 година се договориле Ф.Т. да наоѓа сопственици на моторни возила кои сопствениците со странски регистарски таблички ги управуваат на територија на државата и во соработка и договор со Б.П ги наоѓале сопствениците и за половина од цената што треба да jа платат на име царински и други давачки за увоз на половни моторни возила М.П. ги регистрирала и внесувала во електронскиот систем на регистрирани моторни возила без да ги платат давачките за увоз на половни моторни возила, за сообраќајна дозвола, административни такси, такса за користење на регионални и локални патишта и надомест за издавање на регистарски таблички. Ф.Т., користејќи го своето работно место, а откако претходно се договорил со Б.П. Д.З., К.П., М.П., Д.М., Д.С., С.С., М.М., и М.М., изготвувал електронски табели налик на табелата која се издава од Бирото за метрологија при издавање на хомологација за возила увезени од странство, во кои внесувал податоци за возилата. Министерот за здравство, Азир Алиу, на прашањето во неговото интервју за Алсат-М што се случи со ветувањето за вработувања во здравството, како што беше ветувањето за 150 вработувања во Клиничката болница во Тетово, изјави дека не станува збор за неисполнети ветувања, туку за процес што е започнат и е при крај. „Ние не ветивме, туку реализиравме. Процесот не е целосно завршен, но сите чекори за вработување на овие лица се завршени, освен потпишувањето на договорот и завршната средба со директорот. Ова е процес што веќе е во тек и не може да се поништи. Ниту министерот, ниту директорот не можат да одлучат да го откажат по локалните избори – едноставно тоа не е можно,“ – изјави министерот Алиу. Сите кандидати се тестирани и конечната листа е составена. Сега останува само последната административна фаза, што вклучува кратка средба со директорот и потоа потпишување на договорот. Министерот исто така најави дека покрај овие работни места што се во процес, ќе има и нови вработувања, поради големиот недостиг на кадар во здравствениот сектор во Македонија. „Здравствениот сектор е еко-систем што се соочува со сериозен недостиг на медицински сестри, технички кадар и лекари. Ние не можеме да го планираме буџетот врз основа на минатото, туку според реалните потреби. Во моментов го изработивме првиот нацрт-скен на состојбата, и имаме две сценарија: институции со сериозен недостиг и институции со повеќе кадар отколку што е потребно,“ – појасни министерот Алиу. Министерството подготвува внатрешна реорганизација за балансирање на медицинскиот кадар во согласност со потребите, како и за зголемување на транспарентноста и ефикасноста на услугите. „Ќе има реорганизација на услугите и кадарот. Ќе биде потребно време, но целта е здравството да стане поквалитетно и потранспарентно. Со дигитализацијата како трета столбна точка на реформата, граѓаните ќе имаат пристап до информации во реално време за секоја услуга и процес – вклучително и случаите кога има доцнења или пречки,“ – заврши министерот Алиу. На граничниот премин Стење, кој ја поврзува Македонија со Албанија, царинските службеници во соработка со граничната полиција откриле обид за криумчарење на златен накит во вкупна вредност од 346.000 денари. Обидот за нелегално внесување на стоката беше спречен, а против македонскиот државјанин кој го извршил прекршокот, поднесена е кривична пријава за криумчарење, казниво по Кривичниот законик. Царинските службеници, поради сомнежи, извршиле детална контрола на возилото со кое патувал осомничениот. Во куферот, меѓу личните предмети, биле пронајдени пет златни белегзии, кои биле спакувани во кутии за накит. Осомничениот не ја пријавил стоката на царинскиот орган, што претставува прекршување на законот. Премиерот Христијан Мицкоски, денеска ја посети Општина Куманово, каде што заедно со градоначалникот Максим Димитриевски и други претставници на локалната власт, го најавија започнувањето на проектот за реконструкција на најстариот спортски комплекс во Куманово – „Соколана“. Владата ќе обезбеди 700.000 евра за целосна обнова на објектот, кој по реконструкцијата ќе го врати своето историско значење и функционалност. „Сакам да изразам задоволство што сум денеска тука, заедно со градоначалникот, да честитам за сето она што се постигнато до сега и да нагласам дека во наредниот период ќе продолжиме да работиме заедно на уште повеќе проекти во интерес на Куманово“, изјави Мицкоски. Тој истакна дека успешната соработка меѓу Владата и локалната власт е клучна за напредокот на градот и подобрување на животот на неговите граѓани. Премиерот ја поздрави и позитивната атмосфера меѓу стопанствениците и градоначалникот, кои во изминатите денови го посетиле, со што, како што рече, се потврдува дека кумановската администрација активно работи за поддршка на инвестициите. „Би сакал да се заблагодарам и на пратениците од Куманово, кои во континуитет се борат за својот град и се заложуваат за нови проекти и финансирање од страна на Владата. Таа борба е инспирација за нас и ќе продолжиме да поддржуваме иницијативи кои ќе водат кон подобрување на животот на кумановци“, додаде Мицкоски. Градоначалникот Максим Димитриевски ја претстави деталната визија за обновата на „Соколана“, која ќе вклучува реконструкција на спортската сала, инсталирање на нови објекти и подобрување на инфраструктурата. Проектот за реконструкција е веќе подготвен, а сега останува да се обезбедат финансиите, што премиерот го потврди како сигурно. „Овој проект е значаен не само за Куманово, туку и за целата земја, бидејќи „Соколана“ е историски симбол на градот. Ние како Влада ќе се погрижиме да обезбедиме средства и започнеме со реконструкцијата во најкраток можен рок“, заклучи Мицкоски. Агенцијата за храна и ветеринарство (АХВ), од 15 септември почна кампања за орална вакцинација на лисиците и дивите карнивози против болеста беснило. Кампањата се спроведува со авионско фрлање на вакцинални мамки од спортскиот аеродром во Штип и се реализира со финансиска поддршка од Европска здравствена и дигитална извршна агенција (HADEA). Вредноста на поддршката од Агенцијата за период од три години за пролетната и есенската орална вакцинација изнесува околу 2,5 милиони евра. Мамките се фрлаат на целата територија на државата, со исклучок на населените места, водените површини и планинските врвови над 2.000 метри надморска височина. Во оваа кампања фрлени ќе бидат околу 450 илјади вакцинални мамки. Кампањата е предвидено да заврши на крајот на септември годинава, а со истата ќе се одбележи Светскиот ден за борба против беснило - 28 Септември. Апелираме до граѓаните во наредниве денови исклучително внимателно да се движат во природа, да внимаваат во комуникацијата со животните, особено со лисиците кои се приближуваат до населените места и кои не покажуваат страв од луѓето и во никој случај да не ги допираат вакциналните мамки, кои се со кафена боја и личат на чоколадни коцки. Направени се од смеса со рибино брашно и имаат мирис на риба кој ги привлекува лисиците. Во мамките има пластична капсула со течна вакцина која содржи атенуиран вирус на беснило и биолошки маркер – тетрациклин за утврдување на успешноста на вакцинацијата. Истите се соодветно обележани, со инструкции за начинот на постапување при допир. Доколку сепак се случи да дојдет во контакт со мамките, рацете задолжително да се измијат со поголемо количество вода и сапун, а при самоповредување или рассечување со дел од капсулата на вакцината, задолжително да се побара помош од доктор по медицина. За време на кампањата и наредните денови, се препорачува кучињата да се шетаат на поводник, за да се избегне нивен контакт со мамките. Доколку кучињата или мачките дојдат во контакт со мамката, таа не е штетна по нивното здравје. Три недели по завршувањето на вакциналната кампања, АХВ ќе спроведе контрола на успешноста на акцијата (поствакцинален мониторинг), при што апелираме до ловните друштва, од средината на месец октомври, согласно склучените договори, да извршат застрел на договорениот број лисици за лабораториско испитување на успешноста на имунизацијата кај лисиците преку утврдување на присуство на антитела и детекција на тетрациклин во забите кај отстреланите лисици. Македонија почна со имплементација на Програмата за орална вакцинација на лисиците против беснило во мај 2011 година кога се реализираше првата кампања. Оттогаш потврдени се 9 случаи на беснило, 8 кај диви животни (4 лисици и 4 волци) и еден кај домашна мачка во 2012 година. Од 2012 година, кога е потврден последниот случај на беснило кај мачка во Радовишко, во земјава не се регистрирани нови случаи на болеста кај домашните животни. Овогодинешната есенска кампања за орална вакцинација се спроведува за прв пат по 3 години пауза, односно последната ваква акција е извршена во есента 2022 година. На 16.09.2025 година, на регионалниот пат помеѓу селата Сарај и Петралинци, полициски службеници од Секторот за внатрешни работи (СВР) Струмица го привеле 59-годишниот С.В. од село Дабиле, струмичко, поради сомнение дека подметнал пожар. Инцидентот се случил околу 19:00 часот на нива помеѓу селата Дабиле и Петралинци, на која било поставено арско ѓубре, а сопственик на земјиштето бил В.С. Пожарот бил брзо угасен од страна на екипата на Територијалната противпожарна единица Струмица, при што не се пријавени повредени лица. По приведувањето на осомничениот, тој го признал делото во службени разговор во полициска станица. За случајот е известен јавниот обвинител од Основното јавно обвинителство Струмица, а на местото на настанот извршен е увид од страна на екипа на СВР Струмица. По завршувањето на истрагата, против осомничениот ќе биде поднесена соодветна пријава. 
